السيسي في كلمته أمام عناصر المنطقة الغربية العسكرية - صورة من صفحة المتحدث باسم رئاسة الجمهورية على فيسبوك

كلمة السيسي أمام عناصر المنطقة الغربية العسكرية 20/6/2020


أنا الحقيقة سعيد جدا إن أنا ألتقي بيكو النهاردة، وأطمئن من خلالكم على الكفاءة والحالة الفنية والقتالية العالية للقوات المسلحة. جزء كبير هنا من القوات المسلحة، سواء كان من القوات الخاصة أو من القوات الجوية، موجود وجاهز لتنفيذ أي مهام، والحقيقة اللي أنا شوفته حتى الآن أمر عظيم جدًا، وبيعكس قدرتنا.

ودايما أقول إن الجيش المصري جيش قوي صحيح، ومن أقوى جيوش المنطقة صحيح، ولكن هو جيش رشيد، جيش بيحمي مش بيهدد، جيش بيأمن مش بيعتدي، دي استراتيجيتنا، وده عقائدنا، ودي ثوابتنا اللي مابتتغيرش.

وأنا متأكد إن إحنا إذا احتاجنا منكم عمل وتضحيات زي مابيتم، فيه كتير من الأنشطة بتتم يمكن ماحدش كتير يعرف عنها هنا في المنطقة الغربية على كامل الحدود مع الدولة الشقيقة ليبيا، أكتر من 1200 كيلو، بيتم تأمينها النهاردة بقالنا أكتر من سبع سنوات، بالقوات الجوية وبالقوات الخاصة وبقوات حرس الحدود، وبقوات كثيرة جدًا الحقيقة.

فـ... اسمحولي إن أنا أشكركم، وأقولكم يعني، كونوا مستعدين لتنفيذ أي مهمة، هنا، في داخل حدودنا، أو إذا تطلب الأمر خارج حدودنا. بشكركم، وربنا يحفظكم، شكرا جزيلا، شكرا.


ألقيت الكلمة في المنطقة الغربية العسكرية بحضور القائد العام للقوات المسلحة، ورئيس أركان القوات المسلحة، وقادة الأفرع الرئيسية للقوات المسلحة.


خدمة الخطابات الكاملة للسيسي تجدونها في هذا الرابط